DNews: Mar09: టీడీపీ నేత రఘురామకృష్ణరాజు సీఐడీ కస్టడీ టార్చర్ కేసు ఐపీఎస్ సునీల్ నాయక్ పై కొనసాగుతోంది. ఐదు రోజుల కస్టడీ దర్యాప్తులో నాలుగో రోజు ఆదివారం ముగిసింది. గుంటూరు ఎస్పీ దామోదర్ నేతృత్వంలో సిసిఎస్ పిఎస్ లో సునీల్ నాయక్ ను ప్రశ్నిస్తున్నారు.
అయితే, సునీల్ నాయక్ సరైన సమాధానాలు ఇవ్వలేదని పోలీసులు చెబుతున్నారు. రఘురామ టార్చర్ కు సంబంధించి అడిగిన ప్రశ్నలకు ఆయన తప్పించుకున్నారని చెబుతున్నారు. హైకోర్టు ఆదేశాల మేరకు సోమవారం సాయంత్రం వరకు సునీల్ నాయక్ దర్యాప్తు కొనసాగుతుంది. ఈ మేరకు అన్ని ఏర్పాట్లు చేశారు. సోమవారం ఉదయం 10 గంటలకు సునీల్ నాయక్ మళ్ళీ విచారణకు హాజరుకానున్నారు. ఆదివారం విచారణ ముగిసిన తర్వాత ఆయనను గుంటూరు జైలుకు తరలించారు. సోమవారం ఉదయం జైలు నుంచి గుంటూరు సిసిఎస్ పోలీస్ స్టేషన్ కు చేరుకుంటారు.