కల్తీ పాలు..ఐదుకు చేరిన మృతుల సంఖ్య!

DNews: Feb24: రాజమండ్రిలో కల్తీ పాలు సేవించి ఆసుపత్రిలో చేరిన వారి మరణాలు రాష్ట్రవ్యాప్తంగా కలకలం సృష్టిస్తున్నాయి. ఆదివారం వరకు ఇద్దరు మరణించగా, మరో ముగ్గురు – రాధాకృష్ణ మూర్తి (74), ఎన్. శేషగిరి రావు (72), తాడి రమణి (58) సోమవారం మరణించారు. ఈ సంఘటనను రాష్ట్ర ప్రభుత్వం తీవ్రంగా పరిగణిస్తోంది. సీఎం చంద్రబాబు నాయుడు త్వరితగతిన దర్యాప్తు చేయాలని ఆదేశించడంతో పోలీసులు అన్ని కోణాల నుండి దర్యాప్తు చేపట్టారు. బాధిత కుటుంబాలకు పాలు పోసిన వ్యక్తిని అరెస్టు చేశారు. తాను అక్రమంగా నిర్వహిస్తున్న పాల కేంద్రంలోని పాలలో ఇథిలీన్ గ్లైకాల్ అనే శీతలకరణి ఉండటం వల్లే ఈ విషాదం సంభవించిందని దాదాపుగా నిర్ధారించారు. మృతుల కుటుంబాలకు రూ. 10 లక్షల పరిహారం ఇస్తామని సీఎం చంద్రబాబు నాయుడు అసెంబ్లీలో ప్రకటించారు. బాధితుల చికిత్స ఖర్చులను ప్రభుత్వం పూర్తిగా భరిస్తుందని ఆయన హామీ ఇచ్చారు. ఆరోగ్య శాఖ సీనియర్ అధికారులు, వైద్య సిబ్బంది బాధిత ప్రాంతాలకు చేరుకుని పరిస్థితిని సమీక్షించారు. వైద్య శిబిరాలు ఏర్పాటు చేసి, ఎప్పటికప్పుడు సమన్వయం చేస్తున్నారు. ప్రస్తుతం 12 మంది వివిధ ఆసుపత్రులలో చికిత్స పొందుతున్నారు. వీరిలో 8 మంది పరిస్థితి విషమంగా ఉంది. 20వ తేదీన మరణించిన ఇద్దరిలో భాగిశెట్టి కనకరత్నం (74) పేరు అధికారులు విడుదల చేసిన జాబితాలో లేదు. ఆమె పాల వ్యాపారి గణేష్ నుండి పాలు కూడా కొని ప్రైవేట్ ఆసుపత్రికి తీసుకెళ్లగా, ఆమె మూత్రపిండాలు దెబ్బతిన్నాయని వైద్యులు చెప్పారని కుమారులు తెలిపారు. అయితే, రాజమండ్రి GGH సూపరింటెండెంట్ PVV సత్యనారాయణ మాట్లాడుతూ… ఆమె కడుపు నొప్పితో చేరి మరణించిందని అన్నారు.