DSports 8 Dec:న్యూఢిల్లీ: దక్షిణాఫ్రికాతో టెస్ట్ సిరీస్లో టీమ్ ఇండియా క్లీన్స్వీప్ అయిన నేపథ్యంలో, భారత మాజీ హెడ్ కోచ్ రవిశాస్త్రి సంచలన వ్యాఖ్యలు చేశారు. జట్టు వైఫల్యానికి కేవలం ఒక వ్యక్తిని మాత్రమే బాధ్యుడిని చేయడం సమంజసం కాదని, ఆటగాళ్లు కూడా బాధ్యత వహించాలని ఆయన స్పష్టం చేశారు. ఈ వ్యాఖ్యలు ప్రధానంగా ప్రస్తుత హెడ్ కోచ్ గౌతమ్ గంభీర్ పట్ల వస్తున్న విమర్శలను ఉద్దేశించినట్లు క్రీడా వర్గాల్లో చర్చ జరుగుతోంది.
- భారత్లో పర్యటించిన దక్షిణాఫ్రికా జట్టు, రెండు టెస్టు మ్యాచ్ల సిరీస్ను 2-0 తేడాతో కైవసం చేసుకుని, భారత గడ్డపై దాదాపు 25 ఏళ్ల తర్వాత టెస్ట్ సిరీస్ నెగ్గింది. ఈ ఓటమికి ప్రధాన కోచ్ గంభీర్ వ్యూహాలు, నిర్ణయాలే కారణమని తీవ్ర విమర్శలు, డిమాండ్లు వచ్చాయి.
- ఓ యూట్యూబ్ పాడ్కాస్ట్లో రవిశాస్త్రి మాట్లాడుతూ.. “ఇలాంటి ఫలితాలు వచ్చినప్పుడు, ఆటగాళ్లది కూడా బాధ్యతే అని ప్రజలు గుర్తించాలి. కేవలం ఒక వ్యక్తిని టార్గెట్ చేయడం పద్ధతి కాదు. నా కోచింగ్ సమయంలోనూ ఇలాగే జరిగింది. అందుకే నేను అనుభవంతో చెబుతున్నాను” అని అన్నారు.
- రవిశాస్త్రి వ్యాఖ్యలు గౌతమ్ గంభీర్ పట్ల మద్దతుగా ఉన్నప్పటికీ, ఆటగాళ్ల ప్రదర్శనపై ఆయన చేసిన విమర్శలు ప్రస్తుతం క్రీడా వర్గాల్లో హాట్ టాపిక్గా మారాయి