తల్లిదండ్రుల మందలింపుతో.. పదో తరగతి విద్యార్థి ఆత్మహత్య.

DNews: Nov 25: హబ్సిగూడలో ఒక విషాదకర సంఘటన చోటు చేసుకుంది. పదవ తరగతి చదువుతున్న విద్యార్థిని శ్రీ వైష్ణవి, పరీక్షల్లో తక్కువ మార్కులు రావడంతో తల్లిదండ్రులు మందలించారని, ఆ బాధతో అపార్ట్‌మెంట్ పై అంతస్తు నుండి దూకి ఆత్మహత్య చేసుకున్నారని పోలీసులు తెలిపారు. ఈ ఘటన మంగళవారం జరిగింది. సమాచారం అందుకున్న పోలీసులు సంఘటన స్థలానికి చేరుకుని, వైష్ణవి మృతదేహాన్ని పోస్ట్‌మార్టం కోసం గాంధీ ఆసుపత్రికి తరలించారు. కేసు నమోదు చేసి దర్యాప్తు ప్రారంభించిన పోలీసులు, విద్యార్థిని తల్లిదండ్రులను ప్రశ్నిస్తున్నారు. వైష్ణవి హబ్సిగూడలోని ఒక ప్రైవేట్ పాఠశాలలో చదువుతున్నట్లు పోలీసులు వెల్లడించారు.