DSports:Sep19:జాగ్రెబ్లో జరుగుతున్న ప్రపంచ రెజ్లింగ్ ఛాంపియన్షిప్లు 2025లో భారత రెజ్లర్లు నిరాశపరిచినప్పటికీ, అంతిమ్ పంఘాల్ అద్భుతమైన ప్రదర్శనతో భారత్కు తొలి పతకాన్ని అందించింది. మహిళల 53 కిలోల విభాగంలో జరిగిన కాంస్య పతక పోరులో స్వీడన్కు చెందిన ఎమ్మా జోన్నా డెనిస్ మాల్మ్గ్రెన్పై 9-1 తేడాతో ఘన విజయం సాధించింది.
ప్రపంచ రెజ్లింగ్ ఛాంపియన్షిప్లో భారత్ పతకం లేకుండా టోర్నమెంట్ ముగిస్తుందని భావించిన తరుణంలో యువ రెజ్లర్ అంతిమ్ పంఘాల్ ఆశలు చిగురించింది. సెమీఫైనల్లో ఓటమి పాలైనప్పటికీ, కాంస్య పతక పోరులో ఆమె అద్భుతమైన ఫామ్ను ప్రదర్శించింది.
స్వీడన్కు చెందిన యంగ్ రెజ్లర్ ఎమ్మా జోన్నా మాల్మ్గ్రెన్తో జరిగిన మ్యాచ్లో అంతిమ్ ఆరంభం నుంచే పైచేయి సాధించింది. తొలి పీరియడ్లో మాల్మ్గ్రెన్ డిఫెన్స్ ఆడటం వల్ల అంతిమ్కు పాయింట్లు లభించాయి. అనంతరం ఒక టేక్డౌన్తో ఆమె ఆధిక్యం సాధించింది. రెండో పీరియడ్లో కూడా అంతిమ్ తన దూకుడును కొనసాగించింది. మరో టేక్డౌన్తో పాటు చివరి నిమిషంలో నాలుగు పాయింట్ల కదలికతో 9-1 తేడాతో ఘనంగా విజయం సాధించింది.
ఈ విజయంతో, అంతిమ్ పంఘాల్ ప్రపంచ ఛాంపియన్షిప్లలో రెండు పతకాలు సాధించిన రెండో భారతీయ మహిళా రెజ్లర్గా నిలిచింది. అంతకుముందు వినేష్ ఫోగాట్ మాత్రమే ఈ ఘనత సాధించింది. అంతిమ్ 2023 ఛాంపియన్షిప్లో కూడా కాంస్యం గెలుచుకుంది.
పురుషుల గ్రీకో-రోమన్ విభాగంలో భారత రెజ్లర్లకు ఈ టోర్నమెంట్ నిరాశ కలిగించింది. ఈ విభాగంలో బరిలోకి దిగిన నలుగురు భారత రెజ్లర్లు ఎవరూ కూడా విజయం సాధించలేకపోయారు.
అయితే, అంతిమ్ పంఘాల్ సాధించిన ఈ పతకం భారత రెజ్లింగ్ అభిమానులకు కొత్త ఉత్సాహాన్ని ఇచ్చింది. పారిస్ ఒలింపిక్స్ తర్వాత నిరాశలో ఉన్న అంతిమ్, ఈ పతకంతో తన స్థానాన్ని తిరిగి నిలబెట్టుకుంది. 21 ఏళ్ల వయస్సులోనే రెండు ప్రపంచ ఛాంపియన్షిప్ల కాంస్య పతకాలు, ఒక ఆసియా గేమ్స్ కాంస్య పతకం, ఒక ఆసియా ఛాంపియన్షిప్ రజత, ఒక కాంస్య పతకం మరియు రెండు గ్రాండ్ ప్రిక్స్ టైటిళ్లను తన ఖాతాలో వేసుకుని అద్భుతమైన కెరీర్ను కొనసాగిస్తోంది.