అతిసార మరణాలు…వైకాపా శవరాజకీయాలు

DNews: Feb27: కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు వైఎస్సార్సీపీ నాయకులకు చావురాజకీయాలు చేసే అలవాటు ఉందని విమర్శించారు. డయేరియా మరణాల గురించి వారు తప్పుడు ప్రచారం చేస్తున్నారని ఆయన అన్నారు. పార్టీ అధినేత జగన్ మోహన్ రెడ్డితో సహా అందరు నాయకులకు ఇదే అలవాటు అని ఆయన అన్నారు. గురువారం శ్రీకాకుళం నగరంలోని డయేరియా ప్రభావిత ప్రాంతాలను మంత్రి సందర్శించారు. ఈ వ్యాధితో మరణించిన సురేష్ కుటుంబాన్ని, ప్రభుత్వ, ప్రైవేట్ ఆసుపత్రుల్లో చికిత్స పొందుతున్న బాధితులను ఆయన పరామర్శించారు. వారి ఆరోగ్య పరిస్థితి గురించి వైద్యులను అడిగి తెలుసుకున్నారు. తరువాత, నగరంలో డయేరియా అదుపులో ఉందని ఆయన స్పష్టం చేశారు. కేసులు వెలుగులోకి వచ్చిన వెంటనే అధికారులు స్పందించి పరిస్థితిని అదుపులోకి తీసుకురావడానికి గట్టి చర్యలు తీసుకున్నారని ఆయన అన్నారు. తాగునీటి నమూనాలను సేకరించి పరీక్షలు నిర్వహిస్తున్నామని ఆయన అన్నారు. వాస్తవ పరిస్థితిని తెలుసుకోవడానికి తాను సందర్శించానని చెప్పారు. బాధితులకు భరోసా ఇచ్చానని ఆయన అన్నారు.