D News: Aug 7: శబరిమల నెయ్యి కుంభకోణం: శబరిమల అయ్యప్ప స్వామి ఆలయంలో వినియోగించే నెయ్యి ప్రసాదం సరఫరాపై ఆరోపణలు కేరళలో సంచలనంగా మారాయి. ప్రభుత్వ రంగ డెయిరీ సంస్థ ‘మిల్మా’ ద్వారా అందించాల్సిన నాణ్యమైన నెయ్యిని దారి మళ్లించి, దాని స్థానంలో తమిళనాడుకు చెందిన నాసిరకం లేదా కల్తీ నెయ్యిని సరఫరా చేసినట్లు విచారణలో అనుమానాలు వ్యక్తమవుతున్నాయి.
ఈ వ్యవహారం ద్వారా కొందరు అక్రమంగా ఆర్థిక లాభాలు పొందినట్లు అధికారులు అనుమానిస్తున్నారు. విషయం వెలుగులోకి రావడంతో డెయిరీ శాఖ, దేవస్వం బోర్డు అధికారులు ప్రత్యేక దర్యాప్తు చేపట్టి, నెయ్యి కొనుగోలు, రవాణా, సరఫరా ప్రక్రియల్లో జరిగిన అక్రమాలపై ఆధారాలు సేకరిస్తున్నారు.
ఈ కేసులో బాధ్యులెవరు, కల్తీ నెయ్యి ఆలయానికి ఎలా చేరిందనే అంశాలపై సమగ్ర విచారణ కొనసాగుతోంది. ప్రస్తుతం ఈ వ్యవహారం కేరళలో తీవ్ర చర్చనీయాంశంగా మారింది.