DET:NOV 01:
పెద్దిలో రామ్ చరణ్ డ్యాన్స్:కొరియోగ్రాఫర్ మాస్టర్ చెప్పిన మామూలు విషయం కాదు!
మెగా పవర్ స్టార్ రామ్ చరణ్,ఉప్పెన దర్శకుడు బుచ్చిబాబు సానా కాంబినేషన్లో వస్తున్న కొత్త సినిమా పెద్ది గురించి సినీ వర్గాల్లో భారీగా చర్చ నడుస్తోంది.తాజాగా,ఈ సినిమాకు కొరియోగ్రఫీ చేస్తున్న ప్రముఖ డ్యాన్స్ మాస్టర్ జానీ గారు ఒక ఆసక్తికరమైన విషయాన్ని వెల్లడించారు.ఈ సినిమా కోసం రామ్ చరణ్ పెడుతున్న కష్టం,ఆయన డ్యాన్స్ మూమెంట్స్ సాధారణమైనవి కావు అని ఆయన అన్నారు.అంటే,ఫ్యాన్స్ ఊహించినదానికంటే అదిరిపోయే డ్యాన్స్లు ఈ సినిమాలో చూడబోతున్నారని అర్థమవుతోంది.
చరణ్ కృషి అద్భుతం:జానీ మాస్టర్ ప్రశంస:
జానీ మాస్టర్ ఇటీవల తమ సోషల్ మీడియా అకౌంట్ ‘X’ ద్వారా ఒక పోస్ట్ చేశారు.ప్రస్తుతం పెద్ది షూటింగ్ శ్రీలంకలో జరుగుతోంది. అక్కడ రామ్ చరణ్ మరియు దర్శకుడు బుచ్చిబాబుతో కలిసి తీసుకున్న ఫోటోను షేర్ చేస్తూ,నాకు బాగా ఇష్టమైన హీరో రామ్ చరణ్ అన్న మరియు అత్యంత ప్రతిభావంతుడైన దర్శకుడు బుచ్చిబాబు సానా గారితో ఈ సినిమా కోసం గడిపిన ఈ సమయం ఎప్పుడూ గుర్తుంటుంది.చరణ్ అన్న ఈ సినిమా కోసం పెడుతున్న కృషి మరియు ప్రయత్నం నిజంగానే అద్భుతం .దాని ప్రభావం ఎలా ఉంటుందో చూడాలంటే మీరు వేచి చూడాల్సిందే!అని రాశారు.ఇది సినిమాపై అంచనాలను మరింత పెంచింది.
గ్రాండ్గా సాంగ్ షూటింగ్ వివరాలు:
పెద్ది సినిమాను వెంకట సతీష్ కిలారు గారు వృద్ధి సినిమాస్ పతాకంపై భారీగా నిర్మిస్తున్నారు.మైత్రీ మూవీ మేకర్స్ మరియు సుకుమార్ రైటింగ్స్ సంస్థలు ఈ సినిమాను ఎంతో ప్రతిష్టాత్మకంగా సమర్పిస్తున్నాయి.గతంలో,వినాయక చవితి సందర్భంగా,ఈ చిత్ర యూనిట్ మైసూరులో ఏకంగా 1000 మంది డ్యాన్సర్లతో రామ్ చరణ్ పైన ఒక పాటను చిత్రీకరించింది.ఈ మాస్ సాంగ్ను కూడా జానీ మాస్టరే కొరియోగ్రఫీ చేశారు.ఇప్పటికే రామ్ చరణ్ తన పాత్ర కోసం పూర్తిస్థాయి మేకోవర్ చేసుకున్నారు.
సినిమా నేపథ్యం,ఇతర నటీనటులు:
పెద్ది అనేది స్పోర్ట్స్ బ్యాక్డ్రాప్లో నడిచే యాక్షన్ ఎంటర్టైన్మెంట్ సినిమాగా తెలుస్తోంది.ఇందులో రామ్ చరణ్ మరింత రగ్డ్గా, అథ్లెటిక్ లుక్లో కనిపిస్తారని సమాచారం.కన్నడ సూపర్ స్టార్ శివ రాజ్కుమార్,జాన్వీ కపూర్,జగపతి బాబు,దివ్యేందు శర్మ వంటి ప్రముఖ నటీనటులు ఈ సినిమాలో కీలక పాత్రల్లో నటిస్తున్నారు.ఈ సినిమాకు ఆస్కార్ అవార్డు గ్రహీత ఏ.ఆర్.రెహమాన్ సంగీతాన్ని అందిస్తున్నారు.రామ్ చరణ్ మార్చి 27,2026 న తన పుట్టినరోజు సందర్భంగా ఈ సినిమాను విడుదల చేసేందుకు ప్లాన్ చేస్తున్నారు.