DNews:02 Feb: తెలంగాణ ప్రభుత్వానికి అత్యున్నత న్యాయస్థానంలో గట్టి ఎదురుదెబ్బ తగిలింది. సోషల్ మీడియాలో ప్రభుత్వానికి వ్యతిరేకంగా చేసే పోస్ట్లపై క్రిమినల్ కేసులు నమోదు చేయాలని కోరుతూ ప్రభుత్వం దాఖలు చేసిన అప్పీల్ను సుప్రీంకోర్టు సోమవారం నిరాకరించింది.
రాష్ట్ర ప్రభుత్వం మరియు ముఖ్యమంత్రిపై సోషల్ మీడియాలో అభ్యంతరకర పోస్ట్లు పెడుతున్న వారిపై చర్యలు తీసుకోవాలని గతంలో ప్రభుత్వం ప్రయత్నించింది. అయితే, కేవలం విమర్శలు చేసినంత మాత్రాన లేదా అసమ్మతి వ్యక్తం చేసినంత మాత్రాన ఐటి చట్టం లేదా క్రిమినల్ సెక్షన్ల కింద కేసులు నమోదు చేయడం భావప్రకటన స్వేచ్ఛకు విరుద్ధమని హైకోర్టు గతంలో తీర్పునిచ్చింది. ఈ తీర్పును సవాలు చేస్తూ కాంగ్రెస్ ప్రభుత్వం సుప్రీంకోర్టును ఆశ్రయించింది.
నేటి విచారణలో సుప్రీంకోర్టు ధర్మాసనం హైకోర్టు నిర్ణయాన్ని సమర్థించింది. ప్రజాస్వామ్యంలో విమర్శలు సహజమని, ప్రతి పోస్ట్పై కేసులు నమోదు చేస్తూ వెళ్తే పౌరుల ప్రాథమిక హక్కులకు భంగం కలుగుతుందని న్యాయస్థానం అభిప్రాయపడింది. ప్రభుత్వ అప్పీల్లో మెరిట్ లేదని పేర్కొంటూ దానిని కొట్టివేసింది. ఈ తీర్పుతో సోషల్ మీడియా యాక్టివిస్టులు మరియు ప్రతిపక్షాలకు పెద్ద ఊరట లభించినట్లయింది.